واجه مولانا احمد ناروئي – رحمة الله عليه – مزنين عالم، كواس، هوشيار و بيداريں مردے أت

مولانا احمد ناروئي يكے چه بهتریں واجه و كماشان و حضرت شيخ الاسلامءِ مزنيں باسك وپه بلوچ راج وملتءَ ٹوهيں سُهلگير، دارالعلوم زاهداني مزنیں مدرس، مسجد جامع مكيءِ جمعهءِ پیشنمازءِ نائب أت.

 اے واجه و كماش ماں يك راهي حادثه‌إے وفات و وتي اللهءِ ملاقاتءَ شُت و مُلك وملتي تهنا هِشت، منيگ و واجهءِ پجارگي وزانگ شه دير و انگت سلام عليك گرم ات چنت روچءَ پيسر چه واجهءِ وفاتءَ گوں يك تفريحي سرگرميءِ همراه إتيں، واجه سالم وسرحال ات، ومدتے پيش چه واجهءَ لوٹ اِت كه مئي مُلك وميتگ بيئيت، واجه هںمئي گپّءَ قبول كرت. واجهءَ گوشت من په چمّاں حاضر و تياراں بلے توهم پما كارے بكن و منی په تعليمي برنامه و پروگرامےءِ تيار كنگءَ امری كرت و همے مباركيں رمضانءَ مئي مردمءِ واهگ ايش أت كه واجه بيست وپنچمءَ په ختم قرآنءِ سورانءَ بيئيت، من گون واجهءَ تلفني گپ كرت واجهءَ گوشت كه شيخ الاسلام ماں سفرءَإنت تا كه واجه نيهتگ من شما را جواب دات نكنان و من هنچوش كه يك تيرےیاں، حضرت شيخ الاسلام منا را هركجا دَور بدنت من همودان رواں.
وپه إے بابتءَ بلكیں ده گشتءَ گوں مولانا رحمة الله عليه و شيخ الاسلام حفظه اللهءَ  تلفني رابطه بوت بلے وهدءِ سرا په واجهءَ كارے پيش اهت گڑا واجهءَ په وتي نمايندگيءَ مولانا عبدالرحمن حسن زئيءَ دیم دات و إے واجه مئي ديوانءَ گرم كرت، من هميشه بياد حضرت امام احمد بن حنبل، واجهءَ په نامءِ ” امام اهلسنت “توارکت و همك برءَ واجه لبخند و نُسهندي كرت. واجه ناروئي مزنين عالم، كواس، هوشيار و بيداريں مردے أت.
 الله تعالي واجهءِ قبرءَ‌ پرنور و گوں شهيدان، پيغبران وصالحان جنت فردوسءِ تها همراه بكنت. آمين
شمئي دوزواه: ملا واحدي