مولانا گرگیجءَ، مصباح يزديءِ بے احترامي په حضرت عثمانءَ محکوم کت

مولانا محمد حسین گرگیجءَ ماں جمعهءِ (4بهمن1392)ءِ گپاں، مصباح يزديءِ بے احترامي په حضرت عثمانءَ سك محکوم کت.

آزادشهرءِ اهلسنتءِ جمعهءِ پیشنمازءَ پرمائینت: ما را هچبر دوست نبیت که ماں جمعهءِ گپاں اختلافی مسائلاں پیش بکنیں، مارا گوں هچ شخص وگروهےءَ کست وکینگ نیست، بلے ما گندیں كه هر هپتگءَ، مسلمانانی مقدسات إیر جنگ بنت.
مولانا گرگیجءَ اختلافی مسائلانی ديمءَ آرگ، ناهودگیں کارے زانت و گوشتی: مئی مردماں چه إے توهین وگپاں دم برتگ. هزار وچارصد سال چه اسلامءَ گوستگ واگاں مارا  چه اختلافی مسائلءِ پیش کنگءَ چیزے برستیں گڑا مارا رستگ أت.
حوزه علمیه گالیکشءِ مدیرءَ پرمائینت: گوستگیں هپتگ، تپاکیءِ هپتگ أت، بلے نباید مئی وحدت وتپاکی، بس یک هپتگے  ببیت. باید إنت مارا مدام واقعی و راستیں وحدت ببیت. یکشنبهءِ روچءَ وحدتءِ دیوان دارگ بوت وچه دگه نیمگے  هما همپتگءِ پنجشنبهءِ روچءَ حضرت عثمان توهین کنگ بوت. یکشنبهءَ وحدتءِ دارگ و پنچشنبهءَ وحدتءِ پروشگ، پدا هں چه مئی  مزنیں ذمه دارانی نیمگءَ هچ پیما باورکنگی نهنت. ما هچ وڑءَ چوشیں توهین و بے احتراميءَ په حضرت عثمانءَ نمنّ إیں.
واجهءَ دیمءَ پرمائینت: حضرت عثمان هما إنت که حضرت علی 12سالءَ آئیءِ گوارءَ أت وحضرت حسن وحسین آئیءِ سربازاں بوتگ أنت، گڑا انگتءَ وش إنت که ما آئیءَ بد بگوشیں؟
گوشگی إنت که محمد تقی مصباح یزدی، یکے چه شیعه یانی مزنيں زانتکاراں، ماں دیدارے که گوں إیرانءِ وزارت دفاعءِ مدیرانی هست أت گوشتی: تکفیری وهابیاں هما درهچانی نیبگ أنت که رند چه پیغمبرءِ رکست کنگءَ، چه حقءَ پچ ترّ إتنت.
آئیءَ گوشتگ: دنیا دوستی، پاٹ بازی، تبعیض، وتی قومءُ ٹولیاں سرکار کنگ چه سیمی خلیفهءِ نیمگءَ سوب بوت که مردم آئیءِ سرءَ زهر بگر أنت وآخر سرءَ خلیفهءَ بکش أنت.