مولانا عبدالحمید: تپاکی و یکدلی؛ مهتر رسول اللهءِ مزنیں سوگات

تهرانءِاهلسنتءِ إے هپتگءِ جمعهءِ نماز(27/دي/1392)ماں “نیایش”ءِ نمازجاه گون شیخ الاسلام مولانا عبدالحمیدءِ امامتءَ وانگ بوت، که واجهءَ تپاکی و یکدلی؛ مهتر رسول اللهءِ مزنیں سوگات جاه یارت.

شیخ الاسلام مولانا عبدالحمیدءَ وتی گپاں گوں إے چیزءِ درشاں کنگءَ که هنو هرجاهءَ، گپ چه پیغمبر-صلی الله علیه وسلم-ءِ سیرت و زندگیءَ إنت بنگیج کت و مسلمانان و إے دگه ملتانی جشن و شاتکامیءِ بارهءَ پرمائینتی: ماں إے وشیں روچاں، هرجاهءَ پیغمبر-صلی الله علیه وسلم-ءِ سیرت و زندگی بیان بیت؛ بلئے إے دگه ملتاں وهدے که وتی پیغمبرانی بوتن روچءَ شاتکامی کن أنت، ماں آیانی محفل و دیواناں منکرات، معاصی، ناچ و شراب واری بیت. خاصکار حضرت عیسیءِ بوتن روچ که کریسمسءِ عید گوں بازیں منکراتءَ برجم دارگ ئه بیت.
واجهءَ دیمءَ پرمائینت: إے اللهءِ فضل إنت که مسلماناں پیغمبر-صلی الله علیه وسلم-ءِ بوتن روچءَ گون مهترءِ سنتانی بیان کنگءَ شاتکامی کن أنت.
زاهدانءِ اهلسنتءِ جمعهءِ پیشنمازءَ پیغمبر-صلی الله علیه وسلم-ءَ “تاریخءِ مزنتریں انسان” پجه آرت و پرمائینتی: مهترءِ فضیلتاں چه سجئیں نبیانیگاں بالاترأنت و واجه، حضرت ابراهیم خلیل الله و آدمءِ پهرإنت.
واجهءَ دیمءَ پرمائینت: پیغمبر-صلی الله علیه وسلم-ءِ آیگءِ وهدءَ، جهان تهار و مج أت، سدانی سال گوستگ أت؛ بلئے نبی إے دیم دیگ نبوتگ أت، گڑا خداءَ پیغمبر-صلی الله علیه وسلم- دیم دات و گهتریں کتاب په مزنتریں پیغمبر ماں بهتریں شهرءَ دیمی دات و بهار آتک و دنیا سبز و آبات بوت.
واجهءَ ” قرآن” و “پیغمبر”ءِ بارهءَ پرمائینت: الله تعالیءَ من و شمارا مزنیں سرمایه إے بکشاتگ. أے مسلماناں! خداءَ شمارا هنچیں سرمایه إے داتگ که یورپی مردمانءَ گون نیست إنت. اللهءِ سوگندإنت که شمئی سرمایهءُ مڈی، إمریکائیاں، روسیان، چینیان و جاپانیانءَ گوں نه إنت. الله پاکءَ په شما قرآن دیم داتگ و حضرت محمدی شمئی مربی و معلم قرار داتگ.
اگاں شما قرآن مجید و پیغمبر-صلی الله علیه وسلم-ءِ راهءَ بگرإت؛ گڑا الله شمارا سروری دنت. اگاں من وشما مسلمان ببئیں؛ گڑا توان إیں په جهانیاں الگو قراربگرإیں.
مولانا عبدالحمیدءَ گوں اشاره په “تپاکیءِ هپتگ”ءَ پرمائینتی: مروچی ماں إیرانءَ “وحدتءِ کنفرانس” دارگ بوگاإنت که معنائی إشنت که اسلام، تپاکیءُ براتیءِ دین إنت و وحدت و همدلی، پیغمبر-صلی الله علیه وسلم-ءِ مزنیں سوگات إنت.
حضرت شیخ الاسلامءَ وتی گپاں گوں تاکید په پایبندی په نمازءَ و اللهءِ اوامرءِ انجام دیگءَ آسر کت أنت وپرمائینتی: شیعه و سنی هر دوئیں چه اسلامی فرقه یان أنت و هردو مسلمان أنت، گڑا بایدإنت یکادگرءَ برداشت بکن أنت و هیالداری بکن أنت تا که آیانی دژمناں چه آیاں نپ و کٹ چست مکن أنت. ماں إے ماهءَ بایدإنت ما گیشتر په پیغمبر-صلی الله علیه وسلم-ءِ سیرتءَ دلگوش بکن إیں.
گوشگی إنت که واجهءِ گپاں، إے دگه وهدانی وڑءَ گوں واجهءِ پرسوز و خالصانه إیں دعایاں و گوں اتکگیں مردمانی آمین گوشگءَ آسر بوت أنت.
دلگوش: په جاهءِ کمیءِ سوبءَ بازیں نمازوانوکےءَ تهرانءِ سارتیءِ سرءَ و نمازجاهءِ بانءِ پشتءَ، واجهءِ گپاں گوش داشت.