- سنی آنلاین - http://sunnionline.us/balochi -

مسلمانانی مزنیں «تبلیغی اجتماع» ماں هندءَ دارگ بوت

تبلیغی جماعتءِ سالانه إیں جهانی اجتماع ماں هندءِ «بوپال»ءِ شهرءَ دارگ بوتءُ دوشنبه آذرءِ 25ءَ وتی کاری هلاس کت.

په سنی آنلاینءِ حالکاریءَ نقل چه انگریزی سایت آن اسلام(onislam)ءَ گیش چه یک میلیون مسلمان چه جهانءِ سرتاسرءَ ماں تبلیغی جماعتءِ شصتءُ ششمی میاں استمانی مچیءَ ماں بهوپال یکے چه هندءِ شهراں بهر زرت. اے مچیءُ جوڑ که نامی «تبلیغی جماعتءِجهانی اجتماع»إنت رند چه حجءُ بنگلادشءِ اجتماعءَ، جهانءِ مسلمانانی مزنتریں مچی إنت.
ماں اےسه روچی مچیءَ هزاراں هزار مسلماں چه سریلانکا، بنگلادش، اندونزی، مالزی، برونئی، زرباری إفریقا، عراق، سعودی عربستان، اردن، کویت، امارات، یمن، أمریکا، فرانسه، تایلند، مراکشءُ هندءِ وتی ملکءَ دیوان کت تاں که په وتی تزکیهءَ گیشتر دلگوش بکن أنتءُ په إےدگه انسانانی اصلاحءَ کوشستءُ جهد بکن أنت.
إے مچی که ماں175 هکتاری زمینے دارگ بوتگ أت گوں یکے چه آتکگیں علماءِ دعاءَ آسربوت.
تبلیغی جماعت یک دینیءُ اصلاحی غیرسیاسی جنبشے که ماں سال1926ءَ مولانامحمدالیاس کاندهلویءَ جوڑینتگءُ چا وهدءَ تا هنو وتی اصلاحیءُ تربیتی جهداں دیمءَ برگ إنتءُ ماں چاگردءِ اصلاحءَ مزنیں اثرے هشتگی.