وحدت امت

مروچی اختلافات و درگیری مسلمانان و بالادستی سیاسی ، فرهنگی ، و نظامی غرب نه تهنا سبب کمزوری مسلمانان انت ، بلکه دراهین انسانیت و بشریت مه پریشانی ،  ناراحتی کپتگ و زال بولان گیشترمه بدبختی ءِ روهانگ رنبان انت ، چیا که مغرب چه راه خدا و رسول دورانت ، واک توانائی کماشی وسروکی دنیا ءَ  بطور حقوق مساوی و برابری  نداریت ، گﮈا  مه تپاکی  امت محمدی نه تهنا سعادت و نیک بختی مسلمانان انت بلکه په دنیا نوید و خوشخبری ومستاگَی ایت.

 بید چه  مسلمانان هچ قوم و راجی چوشین جوانین چیزی که سبب وحدت به بیت ندارنت .

و آ مزنین و مهرین ساد و چلک انت که اگه پهکان آئی په مضبوطی بگرنت و سند سند مه بنت  وحدت وتپاکی جوﮍ ءَ ییت  الله تعالیءِ فرمان همیش  انت : وَاعْتَصِمُوا بِحَبْلِ اللَّهِ جَمِیعًا وَلَا تَفَرَّقُوا وَاذْکُرُوا نِعْمَةَ اللَّهِ عَلَیْکُمْ إِذْ کُنْتُمْ أَعْدَاءً فَأَلَّفَ بَیْنَ قُلُوبِکُمْ فَأَصْبَحْتُمْ بِنِعْمَتِهِ إِخْوَانًا وَکُنْتُمْ عَلَى شَفَا حُفْرَةٍ مِنَ النَّارِ فَأَنْقَذَکُمْ مِنْهَا کَذَلِکَ یُبَیِّنُ اللَّهُ لَکُمْ آَیَاتِهِ لَعَلَّکُمْ تَهْتَدُونَ [آل عمران/۱۰۳]

ای وهدی به سبب نا تپاکی مسلمانان ، فلسطینیان کشگ بنت ، عراق بُن گپته و مه افغانستان اینقدر ﮈنی و بیگانگین فوج پلﭧن رهتگ که اگر آ ملک و ولایتانی  بیرک  وجنﮈیان مه افغانستان تچک بکننت ، مزنین بهرَی چه افغانستانِ خاک اشغالَ کننت .

و امریکا چنت بر پاکستانی مردمانَ بمباران کرتگ زال بول و مصعومین زهگان کشک بوتگنت .

حضرت رسول پاک صلی الله علیه وسلم ءِ  ارشادنت که به مقابل مسلمانان «  الکفر ملة واحدة » یعنی په سلمانانی نابودی کفر یک راجی انت .

ای وهدی چه  هرچیز مسلمانانَی وحدت همدلی و تپاکی لازم و المی انت  .

چیاکه ناتپاکی ءِ تهل و زهرین تام چشگ بوتگ

الله تعالی هما روچا بیارت که مسلمانانی پهکین کشوران چه مالیزی و اندنیزی  گپته تا سودان الجزایر چیر بیرک  لا اله الله محمد رسول الله  په  اصلاح جهان و بشر گامی چست بکننت . انشاء الله تعالی

نویسنده: عبدالواحد قلندرزهی